МАКЕДОНИЈА И МАКЕДОНЦИТЕ – КНИГА НАГРАДЕНА ОД ФРАНЦУСКАТА АКАДЕМИЈА НА НАУКИТЕ ВО 1922
Едмонд Бушје Де Бел – француски писател (роден 1878 год., во Везиње, а умира во октомври 1918 год., во Скопје).
Бушје како советник од Министерството за финансии на франција бил ангажиран во Главниот штаб на француската Источна армија за време на Првата светска војна на Балканот. Бушје де Бел шест месеци бил на фронтот на завојот на реката Црна, а потоа со движењето на Армијата; кај Островското Езеро, во Лерин, во Битола, во Прилеп и Скопје.
Едмонд Бушје де Бел напишал книга „Македонија и Македонците“ којашто е печатена, по неговата смрт, во Париз во 1922 год., под наслов: „La Macedoine et Les Macedoniens”, (Раriѕ 1922, 80, IV. 303). Книгата на Едмонд Бушје била наградена од Француската академија на науките.
Во наградената книга „Македонија и Македонците“. Едмонд Бушје нагласува дека„населението на Македонија треба да биде посебна народност чиешто име скратено би било Македонци. Тој истакнува дека Македонија ја населуваат три групи народности. Едната е оспоруваната народност Македонските Словени, или, кратко речено Македонци. Покрај Македонците, пишува Бушје, во Македонија има три други народности кои се стремат за господство над Македонците: Бугарите, Србите и Грците и уште три далечни народности: Власи, Турци и Евреи. но ниедна од наведените народности не населуваат определена територија, туку се јавуваат овде онде низ Македонија.
Бушје истакнува: „Прашајте еден селанец од Островска околија, или од Битолска околија како се чувствува тој ќе ви одговори девет од десет пати: Македонец!“ (с.с Историска белешка)
Рецензии
Сеуште нема препораки.