Обновливи извори на енергија-фотоволтаични панели

Компаниите кои се големи потрошувачи на електрична енергија имаат значен бенефит
од сопствен фотоволтаичен систем, пред се поради тоа што, доколку произведената
енергија од системот ја конзумираат за свои потреби, за истата не плаќаат мрежарина,
која се јавува како трошок над цената на електричната енергија на слободниот пазар.
Со јавниот повик за доделување право на премија, можно е да се добие и дополнителен
бонус.
Доколку ги прилагодите кривите на потрошувачка со кривата на производство од
системот, би постигнале висок степен на искористеност и би го намалиле вишокот на
енергија, односно системот може да се калибрира за да произведува највеќе
електрична енергија во делот од денот кога вам ви е најпотребна (пр. работно време на
производствен погон).
Другиот бенефит е тоа што фотоволтаичниот систем претставува алтернативно
напојување и може да се користи како секундарен извор на електрична енергија во
случаи кога има проблем со снабдувањето од дистрибутивната мрежа.
Инвеститорите кои што не сакаат да ја конзумираат произведената електрична
енергија, може истата да ја продаваат на слободниот пазар. Анализите на повеќе
организации за енергетика и обновливи извори укажуваат дека цената на
електричната енергија како и нејзината побарувачка ќе расте во наредните неколку
години.