За истакнување се активностите на Министерството за животна средина и просторно планирање во делот на хармонизација на националното законодавство за заштита на природата со соодветното законодавство на ЕУ, односно со Директивата за зачувување на природните живеалишта и на дивата фауна и флора и Директивата за зачувување на дивите птици, како најважни инструменти на ЕУ за заштита на природата. Идентификацијата и селекцијата на живеалишта, видови и птици од значење за ЕУ и идентификација на потенцијални идни подрачја за Натура 2000 е еден од врвните приоритетни активности во областа заштита на природата.
НАЦИОНАЛНА СТРАТЕГИЈА ЗА ЗАШТИТА НА ПРИРОДАТА до 2027 година
0 ден
Република Македонија поседува исклучително природно наследство, преставено со големо богатство и диверзитет на биолошка разновидност, која се карактеризира со висок степен на ендемизам и реликтност. Разновидното геоморфолошко наследство, геолошките појави и хидролошките ресурси и пределски карактеристики продонесуваат за импозантните природни вредности. Во контекст на заштитата на природата од особено значајна е улогата на пределите и нивната функција како живеалишта за дивите видови.
