МАКЕДОНСКА ЕНЦИКЛОПЕДИЈА 1

Македонската енциклопедија јасно ги определи главните упоришта на македонското научно гледиште, кое е прикажано плуралистички, мозаично, а не еднозначно, шематски и црнобело. Во таа смисла Македонската енциклопедија, донесувајчи многу нови и во националната свест на нашиот народ недоволно познати факти ја збогатува свеста за нас самите во историјата. Македонската енциклопедија извршува длабок епистемолошки рез во автохтоното вреднување на нашиот национален и историски развој, на нашата долготрајна борба не само против големите и крвави зулуми вршени над нас, за нашиот опстанок на овој балкански простор, туку и против сите видови супремации на ту|инскиот дух што се обидувал да нè присвои, т.е. духовно и географски да нè обезимени и обезличи.