БИБЛИОГРАФИЈА НА МАГИСТЕРСКИ ТРУДОВИ И ДОКТОРСКИ ДИСЕРТАЦИИ ОДБРАНЕТИ НА УНИВЕРЗИТЕТОТ „СВ. КЛИМЕНТ ОХРИДСКИ“ – БИТОЛА – 1991 – 2016

Универзитетот „Св. Климент Охридски„ – Битола е најзначајна установа од областа на високото образование во регионот на Југозападна Македонија. Основањето на Вториот македонски универзитет во 1979 година и неговиот досегашен развој претставува значајна алка во синџирот достигања во образовната, научната и културната сфера во нашето современо македонско општество. Докторските дисертации и магистерските трудови се извори на научни информации, основа врз која се надоградуваат образованието и наукатa. За нивното користење пројавуваат голем интерес научноистражувачките, просветните и други работници.